عکس: Mohamed Keita Mohamed Keita
د جواز رسید څه شی دی؟
د استوګنې د اجازې رسید (Ricevuta del permesso di soggiorno) یو ډیر مهم سند دی چې دا ښیي چې تاسو په دې هیواد کې په غیرقانوني توګه نه یاست، پداسې حال کې چې تاسو د خپل جواز د نوي کولو یا بدلولو او یا د خپل لومړي د اوسیدو یا استوګنې جواز ترلاسه کولو انتظار کوئ. دا په ایټالیا کې یو رسمي او قانوني سند دی. دا ښیې چې تاسو په رسمي ډول د استوګنې جواز (Permesso di soggiorno) یا د نوي کولو یا بدلولو لپاره غوښتنه کړې.
پاملرنه وکړئ چې دا ورک نه کړي او خوندي یې وساتئ!
د جواز د رسیدونو ډولونه څه دي؟
د Poste Italiane لخوا صادر شوی رسید (Ricevuta dell’assicurata postale):
که تاسو د خپل نوي جواز غوښتنې / تمدید/ تبادلې جواز غوښتنلیک سپارلو لپاره ژیړ "پوستي کڅوړه یا کټ" وکاروئ ، نو تاسو به په پوستې دفتر کې قانوني رسید ترلاسه کړئ. په رسید کې، یو کوډ (د کارونکي ID او رمز) شتون لري چې تاسو ته اجازه درکوي د Portale Immigrazione ویب پاڼې کې د جواز د پرمختګ حالت ، او همدارنګه په وړ Questura کې د ګوتو د نښان او عکس اخیستلو لپاره د لیدو یا ملاقات نیټه وګورئ.
د Questura لخوا صادر شوی رسید ( cedolino ) :
تاسو به د جواز دا رسید هغه وخت ترلاسه کړئ کله چې تاسو په مستقیم ډول په Questura کې د اصلي استوګنې جواز (د کارډ یا کاغذ بڼه) لپاره غوښتنه وکړئ. رسید یو ځانګړی د پیژندنې شمیره لري چې تاسو ته اجازه درکوي د Polizia di Stato ویب پاڼه کې د استوګنې جواز پروسې حالت وڅارئ.
د Questura لخوا صادر شوی د جواز غوښتنلیک رسید (Modulo 209 cartaceo):
کله چې تاسو په Questura کې د پناه غوښتنه کوئ په داسې حال کې چې تاسو د ۶ میاشتنې د پناه غوښتنې جواز ته انتظار کوئ یا نوي جواز لپاره غوښتنه وکړئ او ستاسو د ګوتو نښان او عکسونه اخستل شوي وي، تاسو به دا ډول د جواز رسید ترلاسه کړئ.
په آنلاین توګه د اوسیدو جواز یا د permesso di soggiorno حالت او پرمختګ چک کولو لپاره د جواز رسید کارولو څرنګوالي په اړه د نورو معلوماتو لپاره، دلته کلیک وکړئ !
ایا در جواز رسید پای ته رسیږي یا د ختمیدو نیټه لری؟
نه! د جواز رسید دختم یا د پای نیټه نه لري، نو دا پای ته نه رسیږي. دا تر هغه چې ستاسو اصلي جواز چمتو نه وي د اعتبار وړ دی. د اصلي جواز ترلاسه کولو لپاره، وړQuestura ته رسید وسپارئ کله چې تاسو د جواز ترلاسه کولو خبرتیا ترلاسه کړئ. د استوګنې اصلي جواز (د کاغذ یا کارت په بڼه) چې د رسید په ځای درکول کیږي٬ به د صدور او د پای نیټه ولري.
دا رسید خورا مهم دی چې ورک یې نه کړي!
مهمه یادونه: په یاد ولرئ چې تل د خپل جواز حالت د Polizia di Stato ویب پاڼې او همدارنګه په مستقیم ډول په Questura کې وګورئ ترڅو پوه شئ چې کله ترلاسه کولی شی. ځکه چې که تاسو د اصلي جواز په اخستلو کې پاتې راغلي، نو یو څه وخت وروسته Questuraا به دا (Permesso archiviato per mancata ritiro) لغوه کړي.
د جواز رسید لرونکي په توګه زما حقونه څه دي؟
څرنګه چې د permesso di soggiorno یا د استوګنې جواز د صادرولو پروسه ممکن د پیچلو اداري پروسو له امله وخت ونیسي، د ایټالیا د قانون له مخې، پداسې حال کې چې تاسو د نوي کولو یا بدلولو یا د استوګنې د اجازې د لومړي صادرولو د انتظار په وخت کې، تاسو کولی شئ بشپړ حقونو ولرئ٬ که تاسو د غوښتنلیک رسید لرئ او مشروعیت لرئ. د مثال په توګه، تاسو کولی شئ:
- په ایټالیا کې کار کول - حتی که ستاسو اوسنی جواز پای ته رسیدلی وي، د نوي کولو / تبادلې رسید تاسو ته اجازه درکوي چې خپل کاري فعالیتونو ته دوام ورکړئ او/یا د کار نوي قرارداد مسوده جوړه کړئ؛ (پناه غوښتونکي کولی شي د C3 فورمې ثبتولو ۶۰ ورځې وروسته کار پیل کړي).
- سفرکول - په ایټالیا کې په آزاده توګه سفر وکړئ. له خپل هیواد ځخه په مستقیم توګه لیدنه وکړئ او په نورو شینګین هیوادونو کې د ټرانزیټ پرته ایټالیا ته راستون شئ (هغه کسان چې نړیوال خوندیتوب لري خپل هیواد ته نشي تللی)؛
- د خپل ښاروالۍ یا comune د احوالو د ثبت دفتر سره ځان راجستر کړئ، کوم چې تاسو ته د پیژندنې کارت د ترلاسه کولو حق درکوي؛
- د ایټالیا روغتیا پاملرنې سیسټم (SSN) سره راجستر یا نوم لېکنه او ورته لاسرسۍ درلودل
- یو بنسټیز یا اساسي بانکي حساب (Conto corrente di base) پرانیزئ - عموما دا کار ستونزمن دی، او پروسه ممکن اوږده وي، مګر تل د خپلې خوښې بانک سره اړیکه ونیسئ
- د کورنۍ الحاق یا د بیا یوځای کیدو لپاره د Nulla Osta غوښتنه وکړئ (پناه غوښتونکي غوښتنه نشي کولی)
- د ایټالیا د موټر چلولو جواز لپاره غوښتنه وکړئ؛
- په ښوونځي کې نوم لېکنه؛
- د ایټالیا د هوساینې سیسټم ته لاسرسی ومومئ، پدې پورې اړه لري چې تاسو د کومې ګټې په لټه کې یاست؛
- عامه خدماتو ته لاسرسی او نور ډیر څه.
کومه پوښتنه لرئ؟ موږ ته په فیسبوک میسنجر واټساپ یا ټیلیګرام کې یو شخصي پیغام راولیږئ.