تاسو کولی شئ د خپل پناه غوښتنې په اړه د پریکړه ننګونه وکړئ که:
- ستاسو غوښتنه رد شوه
- تاسو ته د کډوالۍ د وضعیت یا دریځ پرته بل ډول خوندیتوب درکړل شوی
په هرحال، تاسو د بیاکتنې یا استیناف کولو لپاره لږ وخت لرئ - معمولا یوازې ۳۰ ورځې . که ستاسو ادعا د منلو وړ نه وي، د اخراج حکم وروسته ثبت شوې وي، یا په ښکاره ډول بې بنسټه وي، نو تاسو د بیاکتنې یا استیناف کولو لپاره یوازې ۱۵ ورځې لرئ.
د بیاکتنې یا استیناف سپارل به تاسو ته حق درکړي چې ستاسو د پروسې په اوږدو کې په ایټالیا کې پاتې شئ. د permesso di soggiorno په اړه د هغو کسانو لپاره چې د خپلې پناه غوښتنې پریکړې لپاره د بیاکتنې یا استیناف غوښتنه کوي دلته معلومات ترلاسه کړئ:
د وکیل درلودل
تاسو کولی شئ د ricorso (عدلي عریضه) په وړاندې کولو سره د tribunale civile (مدني محکمه) ته د استیناف یا بیاکتنې غوښتنه وکړئ. تاسو باید وکیل ولرئ.
که تاسو نشئ کولی د وکیل فیس ورکړئ، تاسو حق لرئ چې یو وړیا وکیل ته لاسرسۍ ولری . نورمعلومات ترلاسه کړئ:
دا مهمه ده چې خپل وکیل ته ټول هغه معلومات ورکړئ چې تاسو یې د خپلې قضیې په اړه چمتو کولی شئ، په شمول د ټولو اسنادو او د هر هغه شاهد نومونه چې ستاسو ادعا ثابتولی شي.
د محکمې د مخه
ستاسو قضیه به د ۳ قاضیانو لخوا وڅیړل شي. هغوی به ستاسو قضیې ته د اورېدنې وخت وټاکي، او ممکن یو قاضي به ستاسو په وړاندې موجود وي. که هغوی باور ولري چې ستاسو د قضیې په اړه کافي معلومات لري، نو کیدای شي تاسو ته د اورېدنې وخت ونه ټاکي.
دا به یوازې هغه وخت پیښ شي چې که تاسو د ۲۰۱۷ کال د اګست ۱۷ نیټې وروسته د پناه غوښتنه کړي وي.
څومره وخت به ونیسی؟
د قانون له مخې، محکمه باید ستاسو د بیاکتنې یا استیناف غوښتنې په اړه پریکړه د هغې له ترلاسه کولو وروسته په ۴ میاشتو کې وکړي. خو په حقیقت کې، په اوسط ډول د پناه غوښتنې زیاتره قضیې په محکمو کې ۱۵ میاشتې پاتې کیږي، او کله کله دا وخت تر ۳ کلونو پورې اوږدیږي، چې دا د قانون له مخې په ۴ میاشتو کې د پرېکړې کولو شرط نه پوره کوي.
له بده مرغه، په دې حالت کې تاسو ډیر څه نه شئ کولی — خپل ځان په ډیر صبر سره سمبال کړئ. په عمومي ډول، د ایټالیا د عدلي یا قضایی سیستم رفتار د زیاتې قضیو له امله ډير ورو دی.
دوهم بیاکتنه یا استیناف
عموما، تاسو نشئ کولی ستاسو د استیناف په اړه د مدني محکمې پریکړه وننګوئ.
که تاسو خپل د بیاکتنې غوښتنه د ۲۰۱۷ کال د اګست له ۱۷مې نیټې وروسته وړاندې کړې وي، تاسونشئ کولی چې د مدني محکمې په دې پرېکړه باندې عتراض وکړئ چې آیا ستاسو د قضیې حقایق تاسو ته نړیواله خوندیتوب درکوي. تاسو او ستاسو وکیل یواځې په دې اعتراض کولی شئ چې آیا محکمې ستاسو د قضیې په جریان کې د ایټالیا قانون په سمه توګه پلي کړی دی او که نه.
که تاسو خپل د بیاکتنې غوښتنه د ۲۰۱۷ کال د اګست له ۱۷مې نیټې مخکې کړې وي، نو ښایي تاسو وکولای شئ چې د مدني محکمې په دې پرېکړه باندې اعتراض وکړئ چې آیا د قضیې حقایق تاسو ته نړیواله خوندیتوب درکوي که نه. ستاسو په قضیه کې یو زوړ قانون تطبیق کیدای شي. ستاسو وکیل به ستاسو سره په دې پوهیدو کې مرسته وکړي چې آیا دا ستاسو په قضیه کې ممکنه ده که نه.
دریم استیناف
که تاسو مدني محکمې (tribune civile) ته عریضه وکړئ او منفي پریکړه ترلاسه کړئ، تاسو او ستاسو وکیل کولی شئ خپله قضیه په روم کې د Corte Suprema di Cassazione (ستره محکمې) ته واستوي. Corte Suprema di Cassazione ستاسو وروستی ځای دی.
که چیرې Corte Suprema di Cassazione ستاسو د بیاکتنې غوښته یا اپیل رد کړي، تاسو به په ایټالیا کې غیر قانوني وګڼل شي او د اخراج حکم به ترلاسه کړي. د اخراج حکمونو په اړه نور معلومات ترلاسه کړئ: