که ستاسو د پناه غوښتنه رد شوی وي، یا که تاسو پریکړه وکړئ چې د خپلې پناه غوښتنې پروسې ته دوام ورنکړئ ځکه چې ستاسو په هیواد کې وضعیت بدل شوی او تاسې بېرته ستنېدل غواړئ، نو د داوطلبانه بیرته ستنیدنې او په ټولنه کې د ادغام لپاره مرسته (AVRR) پروګرام ممکن ستاسو سره مرسته وکړي.
تاسو کولی شئ د دې مقالې له لارې نور معلومات ترلاسه کړئ:
دا څنګه کار کوي
که ستاسو د پناه غوښتنه رد شوی وي، یا که تاسو پریکړه وکړئ چې د پروسې دوام ونکړئ ځکه چې ستاسو په هیواد کې وضعیت بدل شوی ااو تاسو بېرته ستنېدل غواړئ، نو تاسو کولی شئ د مرستې شوي د داوطلبانه بیرته ستنیدنې او په ټولنه کې د ادغام لپاره مرستې (AVRR) پروګرام ته غوښتنه وکړئ.
د داوطلبانه بیرته ستنیدنې او په ټولنه کې د ادغام لپاره مرستې پروګرام (AVRR) تاسو سره د بیا یوځای کیدو پروګرام ترتیبولو، د سفر اسنادو او بیرته خپل هیواد ته د ټکټ ترلاسه کولو کې مرسته کوي. همداراز، دا پروګرام به تاسو ته په خپل اصلي هېواد کې د بیا ادغام په برخه کې مرسته وکړي، لکه د لومړني اقتصادي ملاتړ برابرول او د کار یا استوګنې موندلو کې مرسته کول، کله چې خپل هېواد ته ورسېږئ.
تاسو باید خپله پرېکړه وکړئ چې د AVRR پروګرام کې داخل شئ — هېڅوک نشي کولای تاسو دې ته مجبوره کړي.
څنګه غوښتنه ورکړو
د غوښتنې لپاره، تاسو باید له هغې ادارې سره اړیکه ونیسئ چې دا پروګرام په ایټالیا کې پرمخ وړي.
د ۲۰۲۴ کال د جنورۍ له ۲ نیټې راهیسې، د کډوالۍ نړیوال سازمان (IOM) پروژه 123 RI.VOL.ARE IN RE.TE324 په روم کې فعاله ده. د دې پروژې موخه د دریم هیواد اتباعو لپاره چې په قانوني یا غیرقانوني توګه په ایټالیا کې شتون لري او څوک چې په خپله خوښه خپل هیواد ته د راستنیدو پریکړه کوي د داوطلبانه راستنیدو او بیا یوځای کیدو پروګرام (AVRR) ته د لاسرسي تضمین او اسانه کول دي.
پروژه تاسو ته وړیا برابروي:
- د سفر د مخه سلا مشوره
- د سفر سند په صادرولو کې مرسته
- د سفر لګښتونو بشپړ پوښښ
- ۶۱۵ یورو نغدي مرسته، چې یا به له سفر مخکې درکړل شي یا به د خپل هېواد ته له رسېدو وروسته ترلاسه کړئ.
- ستاسو لپاره د ۲۰۰۰ یورو اقتصادي مرسته او ستاسو د کورنۍ د هر غړي لپاره ۱۰۰۰ یورو چې ستاسو د AVRR غوښتنلیک کې شامل دي ترڅو ستاسو د بېرته ستنېدو او ادغام بهیر اسانه شي.
دا پروژه، چې د ۲۰۲۴ د جنورۍ له ۲مې فعاله شوې، د ۳ کلونو لپاره به دوام ولري او په روم کې د مدیترانې سیمې لپاره د IOM د همغږۍ دفتر لخوا اداره کیږي.
د نورو معلوماتو لپاره یا دې پروګرام ته د غوښتنلیک ورکولو لپاره، تاسو کولی شئ د وړیا ۸۰۰ ۰۰۴ ۰۰۶ شمیرې سره اړیکه ونیسئ یا د IOM روم دفتر ته په ۰۶ ۴۴ ۱۶ ۰۹ ۳۳۵/۲۳۸ شمېره زنګ ووهئ یا ritorno@iom.int ته بریښنالیک واستوئ.
تاسو کولی شئ موږ ته شخصي پیغام هم واستوئ که غواړئ د دې پروګرام کې د خپلو حقونو په اړه نور معلومات ترلاسه کړئ.
څوک وړ یا په شرایط برابر دی؟
د هغو خلکو کټګورۍ چې په پروګرام کې شاملې دي ممکن له کال څخه بل کال ته او له یوې ادارې څخه بلې ته لږ توپیر ولري.لاندې لیست د هغو خلکو کټګوریو لنډیز وړاندې کوي چې عموما په پروګرام کې شاملې دي:
-
هغه خلک چې لا تر اوسه یې د خپلې پناه غوښتنې په اړه پریکړه نه ده ترلاسه کړې
-
هغه خلک چې په ایټالیا کې ورته خوندیتوب ورکړل شوی دی
-
هغه خلک چې هیڅکله یې په ایټالیا کې د پناه غوښتنه نه ده کړې
-
هغه خلک چې د پناه غوښتنهیې رد شوې وي او ورته د ایټالیا د پرېښودو لپاره ټاکل شوی مهلت ورکړل شوی وي.
-
هغه خلک چې نور د استوګنې جواز د ترلاسه کولو شرایط نه پوره کوي.
که تاسو د جرم، استرداد (سپارلو) یا د نیولو د حکم له امله د اخراج حکم ترلاسه کړی وي، نو تاسو د AVRR پروګرام لپاره وړ نه یاست.
د اخراج حکمونو په اړه نور معلومات ترلاسه کړئ:
که تاسو یې غوښتنه وکړئ، تاسو ممکن د اخراج حکم ترلاسه کړئ چې تاسو ته په خپله خوښه د ایټالیا څخه د وتلو لپاره وخت درکوي. په دې حالت کې، که تاسو د دې مهلت تر پای ته رسېدو وړاندې په خپله خوښه د وتلو پرېکړه وکړئ، نو کېدای شي د AVRR پروګرام لپاره وړ وبلل شئ.
که تاسو پریکړه وکړئ چې د AVRR پروګرام کې ګډون وکړئ، نو تاسو به اړ شئ چې خپل د پناه غوښتنه لغوه کړئ، که چیرې کومه پناه غوښتنه ستاسو په جریان کې وي.
یوازې یا بې سرپرسته ماشومان
ماشومان کولی شي د داوطلبانه بیرته ستنیدنې او په ټولنه کې د ادغام لپاره مرستې پروګرام لپاره غوښتنه وکړي، مګر یوازې د ځانګړو شرایطو لاندې. ایټالوي چارواکي باید د ماشوم په اصلي هیواد کې د کورنۍ بشپړه پلټنه ترسره کړي او ډاډ ترلاسه کړي چې بیرته ستنیدل رضاکارانه او د ماشوم لپاره غوره دی.